は～え～ゴンゴン

ちぬー　送別会＆慰労会ぬあてぃ　さきじゃーんかい　いじょーしが
ゆんたくーぬまんでぃ　むるどぅーぬ話びけー
なんでかね～。

わんや　ちゅぬ話　ちちゅしぇー　なりとーくとぅ　しむしが
すばうてぃ　ゆんたくーどぅーさーぬ　話ちちょーちーねー
うむしるむん　
だっからよ～。

うっさきーぬ話ぬあがやーんち　ひるまさぬ　お題目ぬめまぐるしく
かわいしが　お互いわらてーうぃし　なんとなく　つうじとーんふーじー
さきんいっちょーくとぅるやんはじ
だ～るわけさあ。
　
※ゆんたくー＝おしゃべり　ちぬー＝昨日　あてぃ＝あって
　さきじゃーんかい＝お酒の席　いじょーしが＝いったんだけど
　まんでぃ＝多くて　むる＝みんな　どぅーぬ＝自分の
　話びけー＝＝話ばかり　わんや＝私は　ちゅぬ＝人の
　ちちゅしぇー＝聞くのは　なりとーくとぅ＝慣れているから
　しむしが＝いいんだけど　すばうてぃ＝そばで
　どぅーさーぬ＝人同士　ちちょーちーねー＝聞いていたら
　うむしるむん＝面白い　うっさきーぬ＝こんなにたくさんの
　あがやーんち＝あるのかなあ　ひるまさぬ＝めずらしく
　わらてーうぃし＝笑ったりして　やんはじ＝だろう
　つうじとーんふーじー＝通じているみたい
　さきん＝お酒も　いっちょーくとぅる＝はいっているから

  

まーから　いっちちゃがやー　にんとーる　耳ぬすばから　
がじゃんが　とぅべーから　かしまさぬ　にんだらん
だっからよ～。

あんそーる　ぐまーいちむしぐゎーやしが　くらしんうてー
かなーん
なんでかね～。

ちゅんでぃいーしぇー　ひーじーや　ちゅーばーふーなー
そーしが　いざなれーからー　いっぺーよーばー
だ～るわけさあ。

謙虚な気持ちで自然に感謝しながら暮らしましょう。
がじゃんかい　ならーさっとーさ

※がじゃん＝蚊　まーから＝どこから
　いっちちゃがやー＝入ってきたかなー
　にんとーる＝寝ている　耳ぬすばから＝耳のそばから　
　とぅべーから＝飛んだら　かしまさぬ＝うるさくて
　にんだらん＝寝られない あんそーる＝こんな
　ぐまー＝小さい　いちむしぐゎー＝生き物　やしが＝だけど
　くらしんうてー＝暗がりでは　かなーん＝かなわない
　ちゅんでぃいーしぇー＝人というのは
　ひーじーや＝普段は　ちゅーばーふーなー＝強そうに
　そーしが＝している　いざなれーからー＝いざとなったら
　いっぺーよーばー＝とても弱い者
　ならーさっとーさ＝教わっている  

なまぬわらばーたーや　ひんじゃーでぃいちん　わからん
なまーヤンキーというそうだ
なんでかね～。

ビギンぬ青春時代を描いた「恋しくて」　やーぐなすりてぃ
いんちちゃん　石垣のひんじゃーのすがいや　なまんかわらんさあ
だっからよ～。

くさーんかい　いーちょーる　おばさんぬくうぃーぬまぎさぬ
かしまさああたしが　どうなーが高校生やいにさる　コンサート
うびいんじゃち　まーがらなちかさぬ　うむさたん
だ～るわけさ。

※ひんじゃー＝不良　なまぬわらばーたーや＝今の子供達は
　でぃいちん＝っていっても　やーぐなすりてぃ＝家族そろって
　いんちちゃん＝観てきた　すがい＝服装　なまん＝今も
　くさーんかい＝後ろに　いーちょーる＝座っている
　くうぃー＝声　まぎさぬ＝大きくて　どうなーが＝自分が
　かしまさああたしが＝うるさかったけど　
　やいにさる＝だった頃にやった　うびいんじゃち＝思い出して
　まーがらなちかさぬ＝どこかなつかしくて　うむさたん＝面白かった
  

ミュージックステーションんかい　石垣出身ぬ　いなぐわらばー
たいぬグループ名やんでぃ
なんでかね～。

番組うてぃ　司会者ぬタモリ氏相手に　うちなーやまとぅぐち
さーに　ぬーがらちぐはぐな　受け答え　やしがＣｏｏＣｏｏ
んかいやかなーんさー
だっからよ～。

うちなーぬラジオうてぃぬ　はなしーやじょうじやしが
やっぱし全国放送や緊張するはじ
だ～るわけさあ。

やなわらばーんでぃいれーからあ　やっぱし　やなわらばー
どぅやる　紅白かい　いじれーからー　やなわらばーん　いい
わらばーんちならんがやー　しわやっさー　ぬーがら　いふぉ
ーなくくるもちやっさあ
　
※やなわらばー＝悪童　いなぐわらばー＝女の子　たいぬ＝ふたりの
　ぬーがら＝なんだか　かなーんさー＝かなわない　じょうじ＝上手
　やしが＝だけど　いいわらばーんち＝良い子供
　ならんがやー＝ならないかなあ　しわやっさー＝心配だ
　いふぉーな＝変な　くくるもちやっさあー＝気持ちだなあ  

めーなち　時間にうゎーってぃ　１日がへーさぬ　なーやがてぃ
５月ん　うわいがーたー
だっからよ～。

そーぐゎちに　立てぃたる目標や　なーだまともに　進みららん
なんでかね～。

ありんくりん　しーぶさーあしが　時間ぬちかいよーぬ　わっさぬ
めーんかいあがかん　なあいひぐゎー　気合いいってぃいかんとー
ならんさー
だ～るわけさあ。

※めーなち＝毎日　うゎーってぃ＝追われて　へーさぬ＝早い
　なーやがてぃ＝もうすぐ　うわいがーたー＝終わりそう
　そーぐゎちに＝正月に　立てぃたる＝立てた　なーだ＝まだ
　進みららん＝進められない　ありんくりん＝あれもこれも
　しーぶさーあしが＝やりたいけど　ちかいよーぬ＝使い方が
　わっさぬ＝悪くて　めーんかい＝前に　あがかん＝進まない
　なあいひぐゎー＝もう少し　いってぃいかんとー＝入れていかないと
　ならんさー＝いけないなあ