は～え～ゴンゴン

はぁ　でーじ　あちくなてぃ　ふかなーりー　あっけーからー
ちゅらーく あしじょーじょー
だっからよ～。

地球温暖化でぃ　いいしが　くぬうち　冬んねーらんならんがやー
なんでかね～。

車から　職場から　まーんかい　いじん　むる　クーラーどぅ
やくとう　体調までぃ　うかしくないさ　気ーちきらんとー
なちかじひちゅっさ
だーるわけさ～。

※でーじ＝大変　あちくなてぃ＝暑くなって　ふかなーりー＝外から
　あっけーからー＝歩くと　ちゅらーく＝いつのまにか
　あしじょーじょー＝汗びっしょり　いいしが＝いうけど
　くぬうち＝そのうち　冬んねーらんならんがやー＝冬もなくならないかなあ
　まーんかい＝どこに　いじん＝いっても　むる＝みんな
　やくとう＝だから　うかしくないさ＝おかしくなる
　気ーちきらんとー＝気をつけないと　なちかじひちゅさ＝夏風邪ひくさあ


  

なまぬ　わらばーたーや プーひやーんでぃ いらんとー
わからんふーじ
だっからよ～。

わったー　いなぐわらばーや どぅくる　プーみかち　けたない笑いん
なんでかね～。

うぬ　しざまぬ うかさぬ　やーぐなまでぃ むる笑ぇかんてぃ
ひーぬかじゃん　けーわしーさ
だ～るわけさあ。

キジムナーぬ話ん　ふんとーやがすらー　わからんさー

※ひーひやー＝よくおならをひる人　なまぬ＝今の　わらばーたーや＝子供たちは
プーひやーんでぃ=プーひやーと 　いらんとー＝言わないと
　わからんふーじ＝ピントこない
　わったー＝うちの　いなぐわらばーや＝娘は どぅくる＝自分で
　プーみかち＝プーとやって　けたない笑いん＝声を上げて笑う
　うぬ＝この　しざまぬ＝やり方が うかさぬ＝おかしくて　やーぐなまでぃ＝家族中まで
むる笑ぇかんてぃ＝みんな笑って　ひーぬかじゃん＝おならのにおいも
　けーわしーさ＝忘れてしまう　キジムナー＝木の精霊　ぬ話ん＝の話も
　ふんとーやがすらー＝本当かも　わからんさー＝しれない
  

郵便局から　ぬーがら　しらびむんぬ　ちょーたしが　いじゃすし
けーわしてぃ　うりひゃっくゎい　でーじなとーん
だっからよ～。

とぅじんかい　けーばりれーからー　ぬらーりーくとぅ　朝から
あわてぃーはーてぃーし　いじゃちちゃん　ぎりぎりセーフ
だ～るわけさあ。

車んたっぴらかすい　パソコンまでぃ　調子ぬわっくなてぃ
うがんぶすく　どぅやがやー
なんでかね～。

なーいひぐゎー　そーいってぃ　いかんとー　ならんさー
　
※ぬーがら＝何か　しらびむんぬ＝調査物　ちょーたしが＝来ていたが
　いじゃすし＝出すもの　けーわしてぃ＝うっかり忘れて
　うりひゃっくゎい＝どないしよう　でーじなとーん＝大変なことになっている
　とぅじんかい＝妻に　けーばりれーからー＝バレたら
　ぬらーりーくとぅ＝怒られるから　あわてぃーはーてぃーし＝あわてふためいて
　いじゃちちゃん＝出してきた　たっぴらかすい＝つぶすし
　わっくなてぃ＝悪くなって　うがんぶすく＝御願不足　どぅやがやー＝なのかなあ
　うとーとー＝祈りの言葉　なーいひぐゎー＝もう少し　そーいってぃ＝しっかりして
　いかんとー＝いかないと　ならんさー＝いけないなー  

朝からはりとーたくとぅ　ふかんかい　洗濯物さぎてぃちゃれー
昼からううあみ　あきさみよい　また　わじゃぬ　いじたん
だ～るわけさあ。

すらみあぎたれー　かたはらや　はりてぃ　ちゅとくまや　まっくーる
そーん　かたぶいさーに　うりがながりてぃちょーん
うひぐゎぬ島うてぃ　ぬーんち　かたぶいすがやー
なんでかね～。

本島うてー　なげーん　断水ん　ねーらんなとーっさー
ダムぬうゎーびんかい　かたぶいるそーがやー
だっからよ～。　

※はりとーたくとぅ＝晴れていたので　ふかんかい＝外に
　さぎてぃちゃれー＝干してきたら　ううあみ＝大雨
　あきさみよい＝なんてこったの意　わじゃぬ＝仕事が
　いじたん＝できた　すらみあぎたれー＝空見上げたら
　かたはらや＝片方は　はりてぃ＝晴れて　ちゅとくまや＝１カ所は
　まっくーる＝真っ黒く　そーん＝している　かたぶいさーに＝所雨
　うりがながりてぃちょーん＝それが流れてきている
　うひぐゎぬ島うてぃ＝こんな小さな島で　ぬーんち＝なんで
　本島うてー＝本島では　なげーん＝長い間　断水ん＝断水も
　ねーらんなとーっさー＝なくなっている　うゎーびんかい＝上に
　そーがやー＝しているのかなあ  

ケーキぬつげー　牛肉コロッケぬ　ゆくしむにーが
けーばりてぃ　食欲不振ないっさー　　
だっからよ～。

ゆくしむにーし　あっけーからー　ばちかんじゅんち　
わらばーやてぃん　わかいるむん　ぬーんち　くんぐとぅ
すがやー　ひるまさん
なんでかね～。

うやぬやーから　ちょうでーぬやーから　ゴーヤーぬ　ゆかてぃ
やーうてぃ　ちゅくとーくとぅ　まーがらぬ　ししやーとー
ちがてぃ　安心やん　ちゅーから　めーなち　ゴーヤーどぅかまりーる
だ～るわけさあ。

※つげー＝次は　ゆくしむにー＝うそ　けーばりてぃ＝ばれて
　ゆくしむにーし＝嘘ついて　あっけーからー＝歩いたら
　ばちかんじゅんち＝天罰が下る　わらばーやてぃん＝子供でも
　わかいるむん＝わかるのに　ぬーんち＝何で　くんぐとぅ＝こんなこと
　すがやー＝するのかなあ　ひるまさん＝めずらしい
　うやぬやー＝親の家　ちょうでーぬやー＝兄妹の家　ゆかてぃ＝豊作
　やーうてぃ＝家で　ちゅくとーくとぅ＝作っているので
　まーがらぬ＝どこかの　ししやーとー＝肉屋とは　ちがてぃ＝異なって
　ちゅーから＝今日から　めーなち＝毎日　かまりーる＝食べられる