は～え～ゴンゴン

どぅくあちさぬ　ひっちー　冷蔵庫あきてぃ　ひじゅるむん　びけー
ぬだい　かだい　そーん　くんどぅぬ　あちさー　でーじなむん
なんでかね～。

コンクリーやーや　にちむっち　かあらやー　やかにん　あちさるはじ
ちゅけーとぅないぬ　やーん　みっちゃきし　かじぬ　まーらん
クーラーいりれーからー　すがりーしが　電気代がふしがらん
だっからよ～。

便利ないしぇー　しむしが　地球温暖化なかい環境ぬ　わっくなてぃ　
いちゅしぇー　ちむぐりさん　あちさかまらさーから　のーち　いきわるやっさあ
だ～るわけさあ。
　

※どぅくあちさぬ＝とても暑くて　ひっちー＝しょっちゅう　あきてぃ＝開けて
　ひじゅるむん＝冷やし物　びけー＝ばかり　ぬだい＝飲んだり　かだい＝食べたり
　そーん＝している　くんどぅぬ＝今度の　あちさー＝暑さは　でーじなむん＝ものすごい
　コンクリーやーや＝コンクリート住宅　にちむっち＝熱持って　かあらやー＝瓦屋
　やかにん＝より　あちさるはじ＝暑いはず　ちゅけーとぅないぬ＝隣近所の　やーん＝家も
　みっちゃきし＝密集し　かじぬ＝風が　まーらん＝まわらない　いりれーからー＝入れたら
　すがりーしが＝涼しくなるけど　ふしがらん＝たまったもんじゃない　ないしぇー＝なるのは　しむしが＝いいけど　わっくなてぃ＝悪くなって　いちゅしぇー＝いくことは
　ちむぐりさん＝心苦しい　あちさかまらさーから＝暑がりから　のーち＝直して
　いきわるやっさあ＝いかないんとなあ
　  

世ぬ中ぬ　さまがわいし　かまじさーぬ　うーくなとーん
なんでかね～。

わったー　わらばーたーや　くーさいにから　えーさつするぐとぅ　
ならーちょーしが　いちなんどぅち　やてぃん　えーさつびけーや
じょうじなとーん
だっからよ～。

やーうてぃ　くしちちーねー　ふかうてぃん　なんくる　うぬくしないん
えーさつ　さってぃ　くさみちゅるちゅや　うーらん
ちゃー　われーかんてぃ　ちゅびれーぬ　なれーからー
ぬーぬしわん　ねーらんないさ
だ～るわけさあ。

※やーなれーや ふかなれー＝ウチでの習慣は外でも出る
　さまがわいし＝様変わりして　かまじさーぬ＝むっつりした人が
　うーくなとーん＝多くなっている　わったー＝ウチの
　わらばーたーや＝子供たちは　くーさいにから＝小さい頃から
　えーさつするぐとぅ＝挨拶するように　ならーちょーしが＝教えてきたが
　いちなんどぅち＝いつどこで　やてぃん＝でも　えーさつびけーや＝あいさつだけは
　じょうじなとーん＝上手になっている　やーうてぃ＝家で　くしちちーねー＝癖がつくと
　ふかうてぃん＝外に出ても　なんくる＝自然と　うぬくしないん＝そのような癖になる
　えーさつ＝あいさつ　さってぃ＝されて　くさみちゅるちゅや＝怒る人は
　うーらん＝いない　ちゃー＝いつも　われーかんてぃ＝笑顔で　ちゅびれーぬ＝人づきあい　　なれーからー＝できたら　ぬーぬしわん＝何の心配も　ねーらんないさ＝なくなるさ

  

朝から　さっこういちゅなさぬ　なまなとーさ　
だっからよ～。

うふわじゃ　いいちきらってぃ　あとーお願いやーんでぃいち
えらいちょー　しぐ　やーかい　しぐとぅ　さがんなあ　やーくなてぃー
ぬーがら　わじわじーし　ちゅーっさあ
なんでかね～。

やしが　ちゃっさ　わじてぃん　わじゃー　めーんかい　あがかん
あっぷりぐゎーんでー　かなーさがちなあ　しあぎてぃ　いかな
わじれーからー　どぅがる　すんないる
だ～るわけさあ。

※いちゅなさぬ＝忙しい　さっこういちゅなさぬ＝とても忙しい
　なまなとーさ＝今の時間になってしまった　うふわじゃ＝大仕事
　いいちきらってぃ＝言いつけられて　あとー＝あとは　
　お願いやーんでぃいち＝お願いねと言われて　えらいちょー＝エライ人は
　しぐ＝すぐ　やーかい＝家路　しぐとぅ＝仕事　さがんなあ＝しながら
　やーくなてぃー＝お腹がすいてきて　ぬーがら＝何か　
　わじわじーし＝怒りがこみ上げて　ちゅーっさあ＝くるなあ
　やしが＝でも　ちゃっさ＝いくら　わじてぃん＝腹を立てても
　わじゃー＝仕事は　めーんかい＝前に　あがかん＝進まない
　あっぷりぐゎーんでー＝あめ玉でも　かなーさがちなあ＝なめながら
　しあぎてぃ＝仕上げて　いかな＝いこうか　わじれーからー＝腹を立てても
　どぅがる＝自分が　すんないる＝損をする  

しーじゃんちゃーが　　むんならーしー　　すしが むる　
どぅなあがる　あたとーるんち　あびやーあびやーが　はじまいん
なんでかね～。

たーが　あたとーてぃん でぃいーしやかあ　ちゃあしかたじきれー
しむがやあんでぃ ちちょーしがやあ
だっからよ～。

あとー　ぬーやてぃんしむさんち なてぃ まじぇー　どうなあくる
しかきてぃ　いちゅしぇ　ましんでぃ　いるくとぅやさ
だ～るわけさあ。

※しーじゃんちゃーが＝先輩たちが　むんならーしー＝教える
　すしが＝するが むる＝みんな　どぅなあがる＝自分が　あたとーるんち＝正しいと
　あびやーあびやーが＝討論が　はじまいん＝始まる　たーが＝誰が
　あたとーてぃんでぃ＝正しいとか　いーしやかあー＝いうよりも
　ちゃあし＝どんなふうにして　かたじきれー＝片付ければ
　しむがやあんでぃ＝いいかなあと ちちょーしがやあ＝質問している
　あとー＝あとは　ぬーやてぃんしむさんち＝どうでもいいやあと なてぃ＝なって
まじぇー＝まずは　どうなあくる＝自分で　しかきてぃ＝手がけて
　いちゅしぇ＝いくことが　ましんでぃいるくとぅやさ＝いいということさ  

わったーやーや　やーるーぬ　まんどーん　くぬめー　そうじさくとぅ
アルミサッシぬ　はしるみちんかい　やーるーが　白骨標本なとーたん
なんでかね～。

山んちちゃさぬ　あいこーから　がじゃんから　ぐまー　いちむしぐゎーぬ　
まんどーくとぅる　やんはじ　
だ～るわけさあ。

額縁ぬ　くさーや　やーるーぬ　くすまいどくる　ひまぬ　あれー　
そーじしとぅらちょくとぅ　ゆなかに　けっけっけーし　なちゅしぇー
ちかん　やーるーん　きーちかてぃる　うがやー
だっからよ～。

※わったーやーや＝我が家は　やーるーぬ＝ヤモリが　まんどーん＝たくさんいる
　くぬめー＝この間　そうじさくとぅ＝掃除したら　はしるみちんかい＝敷居
　白骨標本なとーたん＝白骨標本になっていた　山んちちゃさぬ＝山も近いし
　あいこー＝蟻　がじゃん＝蚊　ぐまー＝小さい　いちむしぐゎーぬ＝虫　
　まんどーくとぅる＝多いから　やんはじ＝だろう　くさーや＝後ろは
　くすまいどくる＝トイレ　ひまぬ＝暇が　あれー＝あれば　
　そーじしとぅらちょくとぅ＝掃除してあげているから　ゆなかに＝夜中に
　けっけっけーし＝けっけっけー（※鳴き声）と　なちゅしぇー＝鳴くのは
　ちかん＝聞かない　きーちかてぃる＝気を使っている　うがやー＝のかなあ