は～え～ゴンゴン

十五夜ぬ　ちちや　みちん　あかがてぃ　ちゅらさぬ
なんでかね～。

ちゅうや　安慶名うてぃ「中秋ぬ名月コンサート」ぬあん
まちぬ　中うてぃ　フォークソング　ちちがちなぁ　ビールぐゎー
ぬでぃ　いいあんべーしーくーな　　
だっからよ～。

朝な夕な　いひぐゎーなあ　しらくなてぃ　うちなーぬあちさん
あといひぐゎやさ　
だ～るわけさあ。
　
※十五夜ぬ　ちちや＝月は　みちん＝道も　あかがてぃ＝明るくなって
　ちゅらさぬ＝綺麗だ　ちゅうや＝今日は　安慶名うてぃ＝安慶名で
　「中秋ぬ名月コンサート」ぬあん＝「中秋ぬ名月コンサート」がある
　まちぬ＝街の　中うてぃ＝中で　フォークソング　ちちがちなぁ＝聞きながら
　ビールぐゎー＝ビールでも　ぬでぃ＝飲んで
　いいあんべーしーくーな＝いい気持ちになってこよう　朝な夕な＝朝も夕方も
　いひぐゎーなあ＝少しずつ　しらくなてぃ＝涼しくなって
　うちなーぬあちさん＝沖縄の暑さも　あといひぐゎやさ＝もう少しだ　  

あびれーしむるーぬ　まんでぃ　ぬーがきーがら　むる　わからん
なんでかね～。

ちゅぬ　めーうてぃ　むぬあびーしぇー　ゆーきーちきらんとー
どぅーなー　うむいびけー　あびてぃ　あっちん　むるが　納得し
ちきわる　くぅとー　うくさりーる
だっからよ～。

ちゅがいーしん　ゆーちち　むのーあびらんとー　あとぅから
どーぅーなーがる　あわりすんどー　ほら、そこのあなた
くとぅばーじんじけーどー
だ～るわけさあ。

※あびれーしむるーぬ＝言いたい放題　まんでぃ＝多くて
　ぬーがきーがら＝何が何だか　むる＝さっぱり　わからん
　ちゅぬ＝人の　めーうてぃ＝前で　むぬあびーしぇー＝発言するときは
　ゆーきーちきらんとー＝よく気をつけないと　どぅーなー＝自分の
　うむいびけー＝思いだけ　あびてぃ＝話して　あっちん＝いても
　むるが＝みんなが　納得しちきわる＝納得して聞かないと
　くぅとー＝事は　うくさりーる＝起こせる　ちゅがいーしん＝人が言うことも
　ゆーちち＝よく聞いて　むのーあびらんとー＝モノは言わないと
　あとぅから＝後から　どーぅーなーがる＝自分が　あわりすんどー＝苦労するよ
　ほら、そこのあなた。くとぅばーじんじけーどー＝言葉はお金を使うように
  

ゆーずぬ　うーさぬ　ありんくりん　むる　なまなまーし
なんでかね～。

ひまなとぅちぇー　よんなーし　むぬかんげーん　ないしが
ゆーずぬ　かさなれーからー　ひっちーいちむりやー
「貧乏暇なし」んでぃいーしぇー　あたとーんどー　　　
だっからよ～。

くとぅしん　あと３ヶ月あまい　てぃーちなーてぃーちなー
かたじきてぃ　いきわるないっさあ　ちゅーん　はまてぃ
いんだな　
だ～るわけさあ。

※ゆーずぬ＝用事が　うーさぬ＝多くて　ありんくりん＝あれもこれも
　むる＝みんな　なまなまーし＝急用　ひまなとぅちぇー＝ひまなときは
　よんなーし＝ゆっくり　むぬかんげーん＝考え事も　ないしが＝できるけど
　ゆーずぬ＝用事が　かさなれーからー＝重なってくると
　ひっちーいちむりやー＝しょっちゅう行ったり来たり
　「貧乏暇なし」んでぃいーしぇー＝「貧乏暇なし」というのは
　あたとーんどー＝当たっている　くとぅしん＝今年も
　あと３ヶ月あまい＝あと３ヶ月あまり
　てぃーちなーてぃーちなー＝ひとつひとつ　かたじきてぃ＝片付けて
　いきわるないっさあ＝いかないといけないなあ　ちゅーん＝今日も
　はまてぃ＝はりきって　いんだな＝行こう　  

家電製品から洋服から　ぬーまでぃ　あいたいめーに　すりとーくとぅ
不自由やさんなとーしが　ぬーがら不足そーねーすん
なんでかね～。

むぬや　すりてぃ　便利なとーしが　ちゅびれーぬ　むちかしく
なとーん　司法試験ぬ　合格率ん４０％でぃ　いーくとぅ　
アメリカふうじーし　訴訟社会なてぃ　いかんがやー
だっからよ～。

ちゅぬ　なんじん　わかてぃ　てぃがねー　すしぇー　あたいめーどーんち
むるが　うみてぃ　ちむぐくる　あーする　ゆぬなかんかい
しーいちゅるぐとぅ　ないるくとぅから　はじみらな
だ～るわけさあ。

※家電製品から洋服から　ぬーまでぃ＝なにまでも　あいたいめーに＝当たり前に
　すりとーくとぅ＝揃っているから　不自由やさんなとーしが＝不自由はしなくなっている
　ぬーがら不足そーねーすん＝何か不足しているような気がする　むぬや＝モノは
　すりてぃ＝揃って　便利なとーしが＝便利になっているが　ちゅびれーぬ＝人づきあいが
　むちかしく＝むつかしく　なとーん＝なっている　司法試験ぬ　合格率ん４０％でぃ
　いーくとぅ＝いうから　アメリカふうじーし＝アメリカみたいに
　訴訟社会なてぃ＝訴訟社会になって　いかんがやー＝いかないかなあ　ちゅぬ＝ひとの
　なんじん＝難儀も　わかてぃ＝わかって　てぃがねー＝手伝い　すしぇー＝するのは
　あたいめーどーんち＝当たり前だよって　むるが＝みんなが　うみてぃ＝思って
　ちむぐくる＝肝心　あーする＝合わす　ゆぬなかんかい＝世の中に
　しーいちゅるぐとぅ＝なっていくように　ないるくとぅから＝できることから
　はじみらな＝始めようよ
  

なーふぁうてぃ　最終バスまでぃ　うさがてぃねーらん
なんでかね～。

久しぶりに　いちゃいる　しんかぬちゃーや　むる元気ぬ
まんでぃ　はなしーぐゎーしぇーん　いりきさぬ　しぐ
時間けーなとーたん　けーいぬバスや　むぬはかはかーし
だっからよ～。

さきん　ぬまがちー　議論すしん　たまねー　上等やっさあ
くんどー　いちご倶楽部ぬ　しんかとぅ　ぬでぃいじぶさっさあ
だ～るわけさあ。

※なーふぁうてぃ＝那覇で　最終バスまでぃ＝最終バスまで
　うさがてぃねーらん＝飲んでしまった　久しぶりに
　いちゃいる＝集まる　しんかぬちゃーや＝仲間達は
　むる元気ぬまんでぃ＝皆元気いっぱいで
　はなしーぐゎーしぇーん＝会話も　いりきさぬ＝面白くて
　しぐ＝すぐ　時間けーなとーたん＝時間になっていた
　けーいぬバスや＝帰りのバスは　むぬはかはかーし＝吐きそうだった
　さきん＝酒も　ぬまがちー＝飲みながら　議論すしん＝議論するのも
　たまねー＝たまには　上等やっさあ＝いいなあ　くんどー＝今度は
　いちご倶楽部ぬ＝いちご倶楽部の　しんかとぅ＝仲間達と
　ぬでぃいじぶさっさあ＝飲んでみたいなあ