は～え～ゴンゴン

道具ん　さまがわいし　名前までぃ　いふぉーなむんぬ　うーさん
なんでかね～。

はがまから炊飯器　マッチからライター　便利なゆぬなか　なとーしが
木からプラスチックんかい　変わてぃん　みしげーやみしげーやん
だっからよ～。

便利なてぃいちしんでー　ちょお　ふゆーなむんなてぃ　いじかん
なたくとぅ　不健康なとーん　ちゃっさ　便利ならわん　ちゅぬ体までー
変わらんどー　むぬんかでぃ　はまてぃ　いじきわる　健康ないさ
だ～るわけさあ。

※道具ん　さまがわいし＝すっかり変わって　名前までぃ＝名前まで
　いふぉーなむんぬ＝変なものが　うーさん＝多い
　はがまから炊飯器＝お釜から炊飯器　マッチからライター
　便利なゆぬなか＝便利な世の中　なとーしが＝なっているけど
　木からプラスチックんかい　変わてぃん＝変わっても
　みしげーやみしげーやん＝しゃもじはしゃもじ
　便利なてぃいちしんでー＝便利になっていくにしたがって
　ちょお＝人は　ふゆーなむんなてぃ＝怠け者になって　いじかん＝動かなく
　なたくとぅ＝なったから　不健康なとーん　ちゃっさ＝どんなに
　便利ならわん＝便利になっても　ちゅぬ体までー＝人の体までは
　変わらんどー＝変わらないよ　むぬんかでぃ＝食事もして
　はまてぃ＝いっしょうけんめい　いじきわる＝動くから
　健康ないさ＝健康になる  

みーにしぬ　吹きはじみてぃ　しだくなとーしが　なーふぁー
あちさたん
なんでかね～。

国際通りぬ　車ぬうーさ　歩道ぬあちさ　かーぎんいきらさぬ
すーじぐゎーや　クーラー(室外機)からぬ　あちかじ　東京とぅ
変わらんまちぬちゅくいよーや　あたいめー　あちさるはじ
だっからよ～。

うーじぬゆかてぃ　山から　とぅいぬ　くぃーぬ　ちかりーる
田舎ぁ　空気んひじゅるさぬ　いいやんべー　やしが　ちゅぬ
ひじゅるーや　ならんどー　きーちきてぃ　いかんとーやぁ
だ～るわけさあ。

※みーにしぬ＝北風が　吹きはじみてぃ＝吹きはじめて
　しだくなとーしが＝涼しくなってきたが　なーふぁー＝那覇は
　あちさたん＝暑かった　国際通りぬ　車ぬうーさ＝車の多さ
　歩道ぬあちさ＝歩道の暑さ　かーぎんいきらさぬ＝木陰も少なく
　すーじぐゎーや＝路地は　クーラー(室外機)からぬ　あちかじ＝熱風
　東京とぅ＝東京と　変わらんまちぬちゅくいよーや＝変わらないまちのつくりは
　あたいめー＝当然　あちさるはじ＝暑いはずだ
　うーじぬゆかてぃ＝サトウキビも実り　山から　とぅいぬ＝鳥の
　くぃーぬ＝声の　ちかりーる＝聞こえる　田舎ぁ
　空気んひじゅるさぬ＝空気もひんやりと　いいやんべー＝いい気持ち
　やしが＝だけど　ちゅぬ＝人の　ひじゅるーや＝冷たいのは
　ならんどー＝いけないよ　きーちきてぃ＝気をつけて
　いかんとーやぁ＝いかないとなあ  

うーまくーとー ちがてぃ しーよーから　あびーよーから
まーがら うかさん
なんでかね～。

天然ボケでぃ いーしとー　ゆぬむん　生まれつき　むっちょーる
才能るやるはじ
だっからよ～。

ちゅんでぃ　いーしぇー　ちゅいなあちゅいなあ　むるちがゆん
やくとぅる　ゆぬなかあ うむっさん 　わったー　じなぬーん
なまぐすー
だ～るわけさあ。

※うーまくーとー＝やんちゃ坊主とは ちがてぃ＝違って
しーよーから＝仕草や　あびーよーから＝しゃべりかたから
　まーがら＝どこか うかさん＝おかしい
　天然ボケでぃ＝天然ボケと いーしとー＝いうのと
　ゆぬむん＝同じ　生まれつき　むっちょーる＝持っている
　才能るやるはじ＝才能なんだろう　ちゅんでぃ＝人と
　いーしぇー＝いうのは　ちゅいなあちゅいなあ＝ひとりびとり
　むるちがゆん＝みんな違う　やくとぅる＝だから
　ゆぬなかあ＝世の中は うむっさん＝面白い 　わったー＝うちの
　じなぬーん＝次男坊も　なまぐすー＝お調子者  

ひっちー　おーえーきえー　さがちなーん　ゆうちじちょーっさあ
なんでかね～。

まじゅんなてぃ　ちゃーけー　たげーに　どぅーぬくとぅから　かんげーてぃ
ぬーきんいみとーたしが　たいから　みっちゃい　みっちゃいから
ゆったい　ゆったいから　ぐにんち　ちねーんなてぃ　くれーからぁ
どぅかってぃーや　ならんなてぃ　ちゅーん
だっからよ～。

ちぬうや　たいし　映画いんちちょーしが　たまねー　よーんなー
みーとぅんだ話　すしん　いいむんやっさあ
だ～るわけさあ。

※ひっちー＝しょっちゅう　おーえーきえー＝ケンカばかり
　さがちなーん＝しながら　ゆうちじちょーっさあ＝よく続いているなあ
　まじゅんなてぃ＝いっしょになった　ちゃーけー＝直後は　たげーに＝お互いに
　どぅーぬくとぅから＝自分のことから　かんげーてぃ＝考えて
　ぬーきんいみとーたしが＝何もかも要求していたけど　たいから＝二人か
　みっちゃい＝３人　みっちゃいから＝３人から　ゆったい＝４人
　ゆったいから＝４人から　ぐにんち＝５人と　ちねーんなてぃ＝家族もできて
　くれーからぁ＝きたら　どぅかってぃーや＝自分勝手は　ならんなてぃ＝できなくなって
　ちゅーん＝くる　ちぬうや＝昨日は　たいし＝二人で
　映画いんちちょーしが＝映画を観てきたが　たまねー＝たまには　よーんなー＝ゆっくり
　みーとぅんだ話＝夫婦の話　すしん＝するのも　いいむんやっさあ＝いいものだ
  

うちなーぬ　東西南北や　北んかいや「にし」でぃ　いいしが
なんでかね～。

東やあがり　西やいり　南やふぇー　ひーくなてぃち　ふちゅしぇー
みーにし　うちなーん　いひぐゎーないひぐゎーな　しぬじやしく
なてぃちょーっさあ
だっからよ～。

来月かっちんぐすくなかい　肝高ぬ阿麻和利があん　みーにしぬ
かじうきてぃ　ちゃぬふーじーぬ　芝居ないがやあんち　なまから
たぬしみやっさあ
だ～るわけさあ。

※うちなーぬ＝沖縄の　東西南北や　北んかいやにしんでぃ＝北に「にし」と
　いいしが＝いうけど　東やあがり　西やいり　南やふぇー　
　ひーくなてぃち＝寒くなって　ふちゅしぇー＝吹くのは　みーにし＝北風
　うちなーん＝沖縄も　いひぐゎーないひぐゎーな＝少しずつ少しずつ
　しぬじやしく＝しのぎやすく　なてぃちょーっさあ＝なってきているなあ
　来月かっちんぐすくなかい＝来月勝連城趾にて　肝高ぬ阿麻和利があん
　みーにしぬかじうきてぃ＝北風を受けて　ちゃぬふーじーぬ＝どんな風な
　芝居ないがやあんち＝芝居になるのかなあと　なまから＝今から
　たぬしみやっさあ＝楽しみだなあ