は～え～ゴンゴン

ちゅんでぃ　いーしぇー　あんし　むちかさる
なんでかね～。

どぅーなー　うみーぬ　どぅく　ちゅーさいねー　ちゅんかい
むんならーしー　すんねーし　けーあびてぃ
ちゅーくとぅ　ちちょーる　ちゅん　あとー
けーくさみちゅん　
だっからよ～。

ちゅぬ　ちぶるや様々　むぬぬ　かんげーよーん
ちがいるすくとぅ　つーじらんしぇー　あたいめーんち
かんげーてぃ　むのー　あびらんねーならん
だ～るわけさあ。

※ちゅんでぃ＝人と　いーしぇー＝いうのは　あんし＝こんなに
　むちかさる＝むつかしいものか
　どぅーなー＝自分の　うみーぬ＝思いが　どぅく＝とても
　ちゅーさいねー＝強いと　ちゅんかい ＝人に　
　むんならーしー＝物事を教える　すんねーし＝ように
　けーあびてぃ＝口調になって　ちゅーくとぅ＝くるから
　ちちょーる＝聞いている　ちゅん＝人も　あとー＝あとは
　けーくさみちゅん＝怒ってしまう　ちゅぬ＝人の
　ちぶるや様々＝頭は様々　むぬぬ＝ものの　かんげーよーん＝考え方　
　ちがいるすくとぅ＝違うものだから　つーじらんしぇー＝通じないのは
　あたいめーんち＝当たり前だと　かんげーてぃ＝考えて　むのー＝物事は
　あびらんねーならん＝発言しないといけない   

人間ドックぬ　高さよー　うっさきー　かかいる
なんでかね～。

年に１回　とぅじん　まじゅん　うきとーしが　めーにん
検査項目ん　うーくなてぃ　検査結果や　わっくなてぃ
中古車ぬ　ぐとぅるある
だっからよ～。

どぅーなーや　ちゃー健康んちる　うみとーくとぅ　検査でーん
高さんち　うみーしが　車ぬ車検とぅ　くらびれーからー
やっさるある　健康がる１番てーしちどー
だ～るわけさあ。

※人間ドックぬ　高さよー　うっさきー＝こんなに
　かかいる＝かかる　年に１回　とぅじん＝妻も
　まじゅん＝いっしょに　うきとーしが＝受けているけど
　めーにん＝毎年　検査項目ん　うーくなてぃ＝多くなって
　検査結果や　わっくなてぃ＝悪くなって　中古車ぬ
　ぐとぅるある＝ようだ　どぅーなーや＝自分は
　ちゃー健康んちる＝いつも健康だと　うみとーくとぅ＝思っているから
　検査でーん＝検査代も　高さんち＝高いなあと　うみーしが＝思うけど
　車ぬ車検とぅ　くらびれーからー＝比べたら　やっさるある＝安いもんだ
　健康がる１番てーしちどー＝健康が１番大切だよ  

あいえーなー　ぬーんち　ちゅぬやなぐち　かちゅがやー
なんでかね～。

ちゅんでぃいーしぇー　いるんなちゅとぅ　いちゃてぃ
おーえんさい　うみちちわらたい　いるんなくとぅぬ
あくとぅる　うふっちゅなてぃ　いちゅんどー
だっからよ～。

ちゅ　ぬらいる　めーに　どぅーなーくとぅ
ゆーかんげーらんとー　ならんどー　やなぐち　ちかさっとーる
ちゅん　やなくくるむちなてぃ　あびとーる本人がる
値打ちがさがゆんどー　くとぅばーじんじけー
だ～るわけさあ。

※あいえーなー＝あ～あ　ぬーんち＝どーして　ちゅぬやなぐち＝人の悪口
　かちゅがやー＝書くのかなあ　ちゅんでぃいーしぇー＝人というのは
　いるんなちゅとぅ＝いろんな人と　いちゃてぃ＝出会って
　おーえんさい＝喧嘩したり　うみちちわらたい＝大声で笑ったり
　いるんなくとぅぬ＝いろんなことが　あくとぅる＝あるから
　うふっちゅなてぃ＝大人になって　いちゅんどー＝行くんだよー
　ちゅ＝人　ぬらいる＝叱る　めーに＝前に　どぅーなーくとぅ＝自分のこと
　ゆーかんげーらんとー＝よく考えないと　ならんどー＝いけないよ
　やなぐち＝悪口　ちかさっとーる＝聞かされている　ちゅん＝人も
　やなくくるむちなてぃ＝いやな気持ちになって
　あびとーる本人がる＝話している本人の
　値打ちがさがゆんどー＝値打ちが下がってしまう
　くとぅばーじんじけー＝言葉はお金を使うように大事に使いましょう　　
　
　
　『いい物語りを作るには、人の悪口をいっちゃダメ。
　　いつも笑顔でいてください。そうすると天命から
　　お呼びがかかります。』

　　斎藤一人「幸せセラピー」（KKロングセラーズ）より  

先週ぬ土曜日　わらばー　たい　そーてぃ　かっちんぐしく
うてぃ　肝高のあまわり　いんちちゃしが　きーぶるだーちゃーすたん
なんでかね～。

ライトアップ　さっとーる　かっちんぐしくとぅ　中学しー高校しーぬちゃあぬ
みぐとぅな演技や　いんちょーてぃ　自然とぅ　ひきくまってぃ
なだうてぃてぃちゅーたん
だっからよ～。　

世界遺産うてぃぬ公演やしが　わかむんぬちゃーぬ　肝ぬ高さや
かっちんぐしくぬ　うりやかにんまさてぃ　ちびらーさたん
くぬ劇すんち　かんげーたる　上江洲安吉さんでぃいるちゅんかいん
感謝、感謝
だ～るわけさあ。

※先週ぬ土曜日　わらばー＝子供たち　たい＝ふたり　そーてぃ＝連れて
　かっちんぐしく＝勝連城趾　うてぃ＝で　肝高のあまわり
　いんちちゃしが＝観てきたけど　きーぶるだーちゃーすたん＝鳥肌が立った
　ライトアップ　さっとーる＝された　かっちんぐしくとぅ
　中学しー高校しーぬちゃあぬ＝中高生たちの　みぐとぅな演技や＝見事な演技は
　いんちょーてぃ＝観ていて　自然とぅ　ひきくまってぃ＝引き込まれ
　なだうてぃてぃちゅーたん＝涙がこぼれてきた
　世界遺産うてぃぬ公演やしが＝世界遺産での公演だけど
　わかむんぬちゃーぬ＝若者達の　肝ぬ高さや＝気高さは
　かっちんぐしくぬ　うりやかにんまさてぃ＝それよりも勝って
　ちびらーさたん＝すばらしかった　くぬ劇すんち＝この劇をやろうと
　かんげーたる＝考えた　上江洲安吉さん
　でぃいるちゅんかい＝という人に　感謝、感謝  

わったー　じなぬーや　ひっちー　むぬねーらんなちゃい
学校ぬ行事わしたい　　
なんでかね～。

おじいからん　うれーさっこう　そーぬがーどーんち
いらっとーしが　うぬうまりるやくとぅ　しかたあねーらんさ
だっからよ～。

体操着とぅサイフん　何回かねーらんなすしが　ひるましいむん
むる　むどぅてぃ　ちょーん　そーぬねらんーちょー　ストレスん
たまらん　いい生まりどぅ　やる
だ～るわけさあ。

※わったー＝うちの　じなぬーや＝次男坊は　ひっちー＝しょっちゅう
　むぬねーらんなちゃい＝物をなくしたり　学校ぬ行事　わしたい＝忘れたり　　
　おじいからん＝おじいからも　うれーさっこう＝こいつはとても
　そーぬがー＝間抜け　どーんち＝だよと　いらっとーしが＝言われているけど
　うぬうまりるやくとぅ＝生まれつきだから　しかたあねーらんさ＝しょうがない
　体操着とぅサイフん　何回か　ねーらんなすしが＝無くすけど
　ひるましいむん＝めずらしいことに　むる＝みんな　むどぅてぃ＝戻って
　ちょーん＝くる　そーぬねらんーちょー＝間が抜けている人は　ストレスん
　たまらん＝溜まらず　いい生まりどぅやる＝いい性格じゃないか