は～え～ゴンゴン

３月や　卒業から就職から　ちゅぬ　入れかわてぃ　うちちかん
だっからよ～。

なままでぃ　うーたるちゅぬ　うーらんなたい　新人ぬ
いっちちちゃいし　ちゅぬかわてぃ　いけーからー
雰囲気ん　変わてぃちゅーん
なんでかね～。

おかずやてぃん　ちゃんぷるーしーねー　味ぬ変わいくとぅやあ
だ～るわけさ～。

※３月や　卒業から就職から　ちゅぬ＝人が　入れ替わてぃ
　うちちかん＝落ち着かない　なままでぃ＝今まで
　うーたるちゅぬ＝いた人が　うーらんなたい＝いなくなったり
　新人ぬ　いっちちちゃいし＝入ってきたりして
　ちゅぬかわてぃ＝人が替わって　いけーからー＝いったら
　雰囲気ん　変わてぃちゅーん＝変わってくる
　おかずやてぃん＝おかずでも　ちゃんぷるーしーねー＝混ぜると
　味ぬ変わいくとぅやあ＝味が変わるからなあ  

どぅしぬ　とぅじが　４０るないしが　あまんかい　はちねーらん
なんでかね～。

告別式んじ　うっちんたーし　とぅるばとーし　いんちゃくとぅ
さっこう　ちむぐりさぬ　どぅーなーまでぃ　けーとるばいさ
だっからよ～。

くぬ世をー　さまざまなくとぅぬ　あいしが　ちゅが　けーますし
やかー　くちさるくとー　ねーらんさ　　
だ～るわけさ～。

※どぅしぬ＝友人の　とぅじが＝妻が　４０るないしが＝40歳になるけど
　あまんかい＝あの世に　はちねーらん＝逝ってしまった
　告別式んじ＝告別式で　うっちんたーし＝うなだれ
　とぅるばとーし＝放心状態を　いんちゃくとぅ＝見たら
　さっこう＝とても　ちむぐりさぬ＝気の毒で
　どぅーなーまでぃ＝自分まで　けーとるばいさ＝消沈してしまう
　くぬ世をー＝この世は　さまざまなくとぅぬ＝さまざまなことが
　あいしが＝あるけど　ちゅが＝人が　けーますし＝亡くなること
　やかー＝より　くちさるくとー＝苦しいことは　ねーらんさ＝ないなあ　　
  

ちゅぬ　はなしーん　はんぶんじちさーに　しかきる
ちゅぬうーしが
なんでかね～。

しぐ　いじちゅしぇーしむしが　どぅく　ちーべーさぬ
あとぅから　なんじするばーぬ　あん
だっからよ～。

耳んたーち　ちちょーるすくとぅ　ちゅぬはなしーや
うちちち　ゆーちきわるやんどー　
だ～るわけさあ。

※ちゅぬ＝人の　はなしーん＝話も　はんぶんじちさーに＝半分聞きして
　しかきる＝動き出す　ちゅぬうーしが＝人がいるが　しぐ＝すぐ
　いじちゅしぇーしむしが＝動くのはいいが　どぅく＝あんまり
　ちーべーさぬ＝性急すぎると　あとぅから＝あとから
　なんじする＝難儀する　ばーぬ＝場合も　あん＝ある
　耳んたーち＝耳もふたつ　ちちょーるすくとぅ＝付いているのだから
　ちゅぬはなしーや＝人の話は　うちちち＝落ち着いて
　ゆーちきわるやんどー＝よく聴かないといけないよ　
  

ストリートダンスぬ　はやとーしが　わらばーたー
もーいや　ちびらーさっさあ
だっからよ～。

ぬーんち　あんすかなあ　ちぶるなかい　まーらりーがやあ
なんでかね～。

ゆぬなかぬ　はやりすたりが　あいしが　一生懸命もーとーる
わらばーたー　笑顔や　一生むんやさ
だ～るわけさあ。

※ストリートダンスぬ　はやとーしが＝流行っているが
　わらばーたー＝子供たちの　もーいや＝ダンスは
　ちびらーさっさあ＝すばらしいなあ　ぬーんち＝何で
　あんすかなあ＝あんなに　ちぶるなかい＝頭で
　まーらりーがやあ＝回転できるのかなあ
　ゆぬなかぬ＝世の中の　はやりすたりが＝流行廃りが
　あいしが＝あるけど　一生懸命　もーとーる＝踊っている
　わらばーたー＝子供たちの　笑顔や　一生むんやさ＝一生もんだ
  

卒業式から人事異動　ちゅぬ　けじめぬ時期なとーん
うちちかんさあ
なんでかね～。

月ぬ替われーからー　ゆたしくんでぃいち　新学期、新年度が
始まゆん
だっからよ～。

きむち　あらたまる　つつじぬ　咲ちゅる　しちやさ
だ～るわけさ～。

※卒業式から人事異動　ちゅぬ＝人の　けじめぬ時期
　なとーん＝なっている　うちちかんさあ＝落ち着かないなあ
　月ぬ　替われーからー＝替わったら　ゆたしく＝よろしく
　んでぃいち＝といって　新学期、新年度が　始まゆん＝始まる
　きむち＝気持ち　あらたまる＝新たまる　つつじぬ
　咲ちゅる＝咲く　しちやさ＝季節だ