は～え～ゴンゴン

くぬめー　そばぬ　うゎーびんかい　ぬしてぃ　かだしが
さっこうまーさたん
なんでかね～。

たーが　いちから　ちゅくいはじみたがやー　わからんしが
んかしから　ししじょうぐーぬ　わんぬ　大好物
おばあーたー　やーんかい　あしびーが　いちーねー
かんなじ　いじゃすたん
だっからよ～。

おふくろぬ味やあらん　おばーぬ味　くーさいにかだる
あじぇー　わしららんさあ
だ～るわけさあ。

※くぬめー＝この間　そばぬ＝そばの　うゎーびんかい＝上に
　ぬしてぃ＝乗せて　かだしがー食べたけど　さっこう＝とても
　まーさたん＝美味しかった　たーが＝誰が　いちから＝いつから
　ちゅくいはじみたがやー＝作り始めたのかは　わからんしが＝知らないけど
　んかしから＝昔から　ししじょうぐーぬ＝肉好きの　わんぬ＝私の
　大好物　おばあーたー＝おばあさんの　やーんかい＝家に
　あしびーが＝遊びに　いちーねー＝行くと　かんなじ＝必ず
　いじゃすたん＝出してくれた　おふくろぬ味や　あらん＝ではなく
　おばーぬ味　くーさいにかだる＝幼い頃食べた　あじぇー＝味は
　わしららんさあ＝忘れられないなあ
　すーちかー＝塩漬け豚肉  

がっぱやーから たっぺーから ちぶるぬ 形なかい
あだ名ぬ ちちゅたん
だっからよ～。

なま うんぐとぅし ゆべーからー しぐ いじめんでぃ
いち ぬらーりーさ
なんでかね～。

ちゅびれーん たった むちかしく なてぃ いちゅさ
だ～るわけさ～。

※がっぱやーから＝後頭部が出っ張っている たっぺーから＝絶壁
ちぶるぬ＝頭の 形なかい＝形であだ名ぬちちゅたん＝ついた
なま＝今 うんぐとぅ-し＝こんな風に ゆべーからー＝呼ぶと
しぐ＝すぐ いじめんでぃいち＝いじめといわれて
ぬらーりーさ＝怒られる　ちゅびれーん＝人付合いも
たった＝どんどん むちかしく＝むつかしく なてぃ＝なって
いちゅさ＝いくさあ
  

同級生　みっちゃい　しぐとぅぬ　あちまいなかい　
するたくとぅ　話ぬ　いそーさぬ
なんでかね～。

とぅしぬ話から　はじまてぃ　あたいめーに　しぐとぅぬ話
人生論　学生じぶんから　ちもー　ちゃっぴん　変わらんさあ
さきぬみじゅーさぬ　ちぶるんやむさ
だっからよ～。

いくちなちぃん　「一生勉強、一生青春」by相田みつを
だ～るわけさ～。

※同級生　みっちゃい＝三人　しぐとぅぬ＝仕事の
　あちまいなかい＝会議で　するたくとぅ＝揃ったから
　話ぬ　いそーさぬ＝面白く　とぅしぬ話から＝歳の話から
　はじまてぃ＝始まって　あたいめーに＝当たり前に
　しぐとぅぬ話＝仕事の話　人生論　学生じぶんから＝学生時代から
　ちもー＝気持ちは　ちゃっぴん＝少しも　変わらんさあ
　さきぬみじゅーさぬ＝酒飲み過ぎて　ちぶるんやむさ＝頭痛
　いくちなてぃん＝いくつになっても
　「一生青春、一生勉強」by相田みつを
  

ちゅうん しぐとぅ あちゃん しぐとぅ めーなち
しぐとぅ
なんでかね～。

学校いじてぃから うぬなり やしが にりらんぐとぅ
はまらりーしぇー ぬーんちやがやあ
だっからよ～。

ちゅうぬ くぬ日や ちゅーびけー いちちょーる えーだー
ゆぬ日んでぃ いーしぇー むるねーらんさ
だ～るわけさ～。

※ちゅうん＝今日も しぐとぅ＝仕事 あちゃん＝明日も
しぐとぅ めーなち＝毎日　しぐとぅ
　学校いじてぃから＝学校卒業してから うぬなり＝この習慣だ
やしが＝だけど にりらんぐとぅ＝飽きることなく
　はまらりーしぇー＝がんばれるのは ぬーんちやがやあ＝なぜだろうか
　ちゅうぬ＝今日の くぬ日や＝この日は ちゅーびけー＝今日だけ
　いちちょーる＝生きてる えーだー＝間は　ゆぬ日んでぃ＝同じ日と
　いーしぇー＝いうのは むるねーらんさ＝まったくない  

高校ぬ　同級生ぬ　けーまーちゃんでぃ　連絡ぬあたん
なんでかね～。

ちぶるんでぃきてぃ　ピアノんじょうじ　へーべーとぅ
にーびちあぎてぃ　人生ぬ先輩んち　あがみとーたしが
うぬへーさ　けーまーちねーらん　ちゅぬ寿命んでぃ
いーしぇー　たーがんわからん
だ～るわけさあ。

ちむがかいぬくさんぐとぅ　１日１日てーしちに　
くらちいきわるやんどーんち　ありがくぃーぬ　ちかりーさ
だっからよ～。

※ぬちぬ＝命の あたらさ＝大切さ　高校ぬ　同級生ぬ
　けーまーちゃんでぃ＝逝ってしまったと　連絡ぬあたん＝連絡があった
　ちぶるんでぃきてぃ＝頭も良くて　ピアノんじょうじ＝ピアノも上手
　へーべーとぅ＝早々と　にーびちあぎてぃ＝結婚して
　人生ぬ先輩んち＝人生の先輩と　あがみとーたしが＝尊敬していたが
　うぬへーさ＝こんなに早く　けーまーちねーらん＝逝ってしまった
　ちゅぬ寿命んでぃ＝人の寿命と　いーしぇー＝いうのは
　たーがんわからん＝誰にもわからない　ちむがかい＝心残り
　ぬくさんぐとぅ＝残さないように　１日１日　てーしちに＝大切に　
　くらち＝暮らして　いきわるやんどーんち＝いなかいといけないよと
　ありがくぃーぬ＝あいつの声が　ちかりーさ＝聞こえてくる