は～え～ゴンゴン

八十八ぬ　トーカチゆーえーとぅか　八や末広がりんでぃ
ゆるくばりーん
なんでかね～。

ぬーんきーん　じんぐとぅし　さんみんする　ちゅぬ　
うーさぬ　さちぬ　くとぅんでぃ　いちん　なまぬ　くぬ
うかしくなとーる　ゆぬなかから　ちゃあがら　さんねー
末や広がらん
だっからよ～。

じんしぇー　こーららん　しなさきぬ　くくるむっち
くらしわるやしが　
だ～るわけさあ。

※やーち＝八　八十八ぬ　トーカチゆーえーとぅか＝米寿とか
　八や末広がりんでぃ　ゆるくばりーん＝喜ばれる
　ぬーんきーん＝何もかも　じんぐとぅし＝お金で
　さんみんする＝換算する　ちゅぬ＝人の　うーさぬ＝多くて
　さちぬ＝先の　くとぅんでぃ＝ことと　いちん＝いっても
　なまぬ＝今の　くぬ＝この　うかしくなとーる＝おかしくなっている
　ゆぬなかから＝世の中から　ちゃあがら＝どうにか
　さんねー＝しないと　末や広がらん＝末は広がらない
　じんしぇー＝お金では　こーららん＝買えない　しなさきぬ＝心情けの
　くくるむっち＝心を持って　くらしわるやしが＝暮らさないといけない  

んかし　なぐぬ　ななまがいんでぃ　あたしが　なまー
うむかじん　ねーらん　なとーさ
なんでかね～。

まぎ道　けーなてぃ　ふんとうに　まがいぬ　ななち　
あたがやーんち　うみーん
だっからよ～。

ななち　あんでぃ　いーしぇー　ラッキー７でぃ　いーる
あたいやくとぅ　かふうな　むんやんてー
だ～るわけさあ。
　　　
※んかし＝昔　なぐぬ＝名護の　ななまがいんでぃ＝七曲がりが
　あたしが＝あったけど　なまー＝今は　うむかじん＝面影も
　ねーらん＝なく　なとーさ＝なっている　まぎ道＝大きな道
　けーなてぃ＝なってしまい　ふんとうに＝本当に　まがいぬ＝曲がりが
　ななち＝七つ　あたがやーんち＝あったのかなーと　うみーん＝思う
　ななち＝七つ　あんでぃ＝あると　いーしぇー＝いうのは
　ラッキー７でぃ　いーる＝いう　あたいやくとぅ＝くらいだから
　かふうな＝縁起のいい　むんやんてー＝ものなんだろうな
  

はーくーちゃー　とぅか　いちむしぐゎーや　ひさが　むーち
なんでかね～。

きーんかい　しがいやっさる　ぐとぅ　なとーんはじ
だっからよ～。

ちゅんでぃ　いーしぇー　てぃーん　ひさん　あーち
ゆーちどぅ　あしが　ちゅんかいどぅ　しがらりーる
だ～るわけさあ。

※はーくーちゃー＝クワガタ虫　とぅか＝とか
　いちむしぐゎーや＝昆虫類は　ひさが＝足が　むーち＝六つ
　きーんかい＝木に　しがいやっさる＝掴まりやすい
　ぐとぅ＝ように　なとーんはじ＝できているはず
　ちゅんでぃ＝人と　いーしぇー＝いうのは
　てぃーん＝手も　ひさん＝足も　あーち＝合わせて
　ゆーちどぅ＝四つ　あしが＝あるが　ちゅんかいどぅ＝人にしか
　しがらりーる＝掴まれない　  

てぃー　ひさぬ　いーべー　いちち
なんでかね～。

いちち　するとーくとぅる　便利やん　てぃーち　やてぃん
かきれーからー　不自由すん
だっからよ～。

いちちんでぃ　いーねー　オリンピックぬ　マークん　
いちちややん　世界平和ぬ　しるしやさ　　　
だ～るわけさあ。

※てぃー＝手　ひさぬ＝足の　いーべー＝指は　いちち＝五つ
　いちち＝五つ　するとーくとぅる＝揃っているから　便利やん
　てぃーち＝ひとつ　やてぃん＝でも　かきれーからー＝欠けてしまうと
　不自由　すん＝する　いちちんでぃ＝五つと　いーねー＝いえば
　オリンピックぬ　マークん　いちちややん＝五つだ　世界平和ぬ
　しるしやさ＝しるしだ　　　
  

車ぬ　タイヤーや　ゆーち　テーブルぬ　ひさん　ゆーち
なんでかね～。

みーちやかー　ゆーちがる　安定すくとぅる　やんはじ
ひるまさぬ　ちゅぬ　ひさー　たーちどぅ　あしが　安定そーん
だっからよ～。

たい　まじゅん　なれーからー　ひさー　ゆーちどー
だ～るわけさあ。

※車ぬ　タイヤーや　ゆーち＝四つ　テーブルぬ　ひさん＝足も
　ゆーち　みーち＝三つ　やかー＝よりは　ゆーちがる＝四つの方が
　安定　すくとぅる＝するから　やんはじ＝だろう
　ひるまさぬ＝めずらしいことに　ちゅぬ＝人の　ひさー＝足は
　たーちどぅ＝ふたつ　あしが＝あるけど　安定　そーん＝している
　たい＝二人　まじゅん＝一緒に　なれーからー＝なれば
　ひさー＝足は　ゆーちどー＝四つだよ